SELAMAT GAWAI DAYAK 2011

SELAMAT GAWAI NGAGAI SEMUA KABAN BLOGGER..ASAI KA LAMA DAH NADAI NULIS BA BLOG TU LABAN KA MAIOH PENGAWA. LALU KENA MERI BESAI TERIMA KASIH KA SEMUA ARI ANAK KANOWIT

     'SELAMAT GAWAI DAYAK 2011'

BAKA TAUN TU NGARAP KA SEMUA BOLIH TUAH BOLIH LIMPAH ARI PETARA LALU NAGARP KE SEMUA GERAI NYAMAI NADAI APA NAMA.

THANKS


ANAK KANOWIT

SARAWAK TERCINTA

1.Negeri Sarawak endang siti ari negeri ka bisi penatai pemisi ka maioh ari segi hasil bumi tauka (Nature Resources) ko jako orang putih. Endang sigik beruntung kitai wai kaban, menyadi, apai, indai, aya,ibok enggau bala rakyat Sarawak ngaku diri empu rakyat Sarawak. Ba surat khabar empai lama dua ari kemarik bisi madah ka lapangan tauka endur minya tauka gas bisi ditemu baru ba luar pantai Sarawak ba Miri din. Penyampau simpanan minyak nya bisi 100,000 million barrel minyak enggau 0.5 trillion meter padu gas . Enti di kira kitai ngagai duit penyampuan nya endang sigik maioh amai nya. Maioh bala kaban facebook meri komen maioh bakani pin penatai pemisi ari menua Sarawak lalu bedau baka suba meh pemansang rakyat menua Sarawak. Ukai aku setuju enggau runding sida kaban ka meri penemu ba Facebook tang endang patut gak sida iya bisi penemu bakanya laban pemansang menua Sarawak kelalu jauh tinggal arti negeri bukai ba Malaysia. Bala YB tauka perintah ka megai enti olih anang meh agik meri komen madah ka negeri Sarawak negeri besai maioh bukit tinggi enggau nadai penatai ekonomi enti ka ngaga pemansang. Beri meh komen ka manah lalu bakani sama2 olih meri pemansang ka endur nya enggau menua Sarawak. Enti kitai meda di negeri di Semenanjung din pin negeri nadai penatai pemisi tang pemansang bisi di bai ngagai endurnya.

Bisi sekeda YB madah menua Sarawak enda pelelu ka jalan raya baka (highway) , sepatutnya sida YB leboh ka ngemen anang enda meda kiba enggau kanan. Bakanya meda ba electricity enggau air beresi ka diempa kelebih agi di menua pesisir. Nadai agik alasan enggai nyadi nyambung tali karan laban maioh cara ka nagaga ngambi ka rakyat bisi karan. maioh technology baru olih dikena kitai ngambi rakyat bisi karan engau air ke beresi.

2. Baka ka diatu pengawa berpilih ADUN menua Sarawak udah sempil lalu maioh pengawa di atur ke betemu enggau bala pengundi. Siti utai ka meri aku geli ati, nama kebuah diatu baru maioh program di atur enda ari 2-3 taun sebedau pengawa berpilih. Enti sigik amai YB nya di pilih ka kerja rakyat bila-bila masa aja olih betemu enggau bala rakyat. Enti baka bala rakyat bisi penusah sida iya patut orang ka dulu datai nulong. Bakanya mega nulong bala rakyat bisi anak ka pandai sekula enti olih beri meh borang biasiswa sama rata anang milih anak sapa lalu nama kerja apai enggau indai iya. Awak ka orang bisi kuasa milih anag lebih

Taun 2011

Nuju bala kaban blog....rindu amai ka berandau enggau bala kaban tang lama amai aku nadai log in ngagai blog aku empu laban ka maioh pengawa ka di gaga. Asai ka start baru meh aku nulis nama bisi penemu ka di kongsi enggau bala kaban.

Kebuah aku lama amai nadai nulis laban ka kerja maioh amai lalu selalu berjalai kin kia. Minta ampun ngagai bala kaban semua.,


Anak Kanowit

SELAMAT HARI GAWAI DAYAK 2010

SALAM GAWAI DAYAK 2010 NGAGAI SEMUA BALA KABAN KA BISI MANSA BLOG AKU LALU MEGA MINTA AMPUN WAI LABAN KA LAMA AMAI NADAI NULIS BA BLOG TU. MAIOH AMAI MEH UTAI KA TULIS TANG MASA ENGGAU RUNDING KA NADAI NYA MEH NADAI NULIS DITU. BISI GA RUNDING KA MIMIT TANG ENDA NEMU BAKANI KA NULIS BA BLOG TU. ASAI KA ENDA CUKUP MAIA KA NULIS DITU TANG LEBOH MAIA NULIS NADAI GA PENEMU BAKANI KA NGERINTAI KA LEKA JAKO.

PENGUDAH BULA MARCH 2010 AKU AKU NULIS KA BALA KABAN MAIOH ENDAR UTAI KA NYADI DATAI KA GAWAI 2010 TU. ENTI KITAI BERUNDING MAIA GAWAI DAITU ENGGAU SUBA UDAH JAUH AMAI BERUAH ARI KA KELIA. NAMA KEBUAH UTAI TU TAU NYADI BAKANYA. ENTI MENYA GAAI KITAI SEMUA RINDU KA PANGAN DIRI LALU MEGA KAUH KITAI PIN MANAH TANG DIATU LABAN KA UDAH DI PENGARUH BUDAYA KA BARU KITAI SEMINA NGEMENTING KA NAMA UTAI KEMISI KITAI UKAI BAKANI KA KAUL KITAI ENGGAU PANGAN DIRI. TAMBAH MEGA DIATU NYAU NADAI TAUKA JARANG BISI MAIN ASAL KITAI ENTI BISI PIN SEMINA BERTABOH ENTI AGIK.

RINDU MEH MAIA SUBA ENTI GAWAI KITAI SUBA ENGGAU PANGAN DIRI, KELABA AKU NADAI MAIOH KITAI NEMU BAKANI ORANG KA BERJADI GAWAI KENYALANG. TU MEH GAWAI KA PALING BESAI DALAM RIPIH GAWAI KITAI IBAN SUBA. LABAN KA MAIOH DAH SEMBAHYANG JARANG TAUKA NADAI AGI MEH PENGAWA KA BAKATU AGIK.

SELAMAT GAWAI DAYAK 2010

TANDA MATA PM

SALAM LELENGGAU NGAGAI BALA MENYADI ENGGAU PANGAN KA LAMA UDAH AKU ENDA NULIS BA BLOG AKU TU LABAN MAIOH AMAI PENGAWA. MINTA AMPUN NGAGAI SEMUA, NYAU KA DATAI GAWAI DA KIRA 2 BULAN GAWAI MEH KITAI WAI MENYADI. RINDU MEH KA NULIS TANG PENGAWA MERI ENDA OLIH LABAN 'TRAVELLING' KIN - KIA MERI ENDA OLH MANSUT KA PENEMU NGAGAI BLOG AKU.

TERIMA KASIH KA NGAGAI PERDANA MENTERI(PM) LABAN ENGGAU TUSAH NEMUAI NGAGAI NG.TADA LALU MAIOH MEH UTAI KA DEBERI PEMANSANG NGAGAI PELILIH KANOWIT. JANGKA AKU KITAI PIN NEMU LABAN PENGAWA BERPILIH MESAI UNTUK KONSIL NEGERI DEKA DATAI DI JANGKA ENDA LAMA AGI. MAIOH MEH UTAI KA DIJANJI LALU NGARAP SEMUA NYA NYADI LALAU MERI PENYENANG NGAGAI SEMUA BALA RAKYAT DI PELILIH KANOWIT. BALAT UDAH KELALU JAUH KITAI SITAK MENUA KA ENDUR BALA IBAN DIAU NADAI BISI PROJEK KA BESAI TAUKA KA NGEMANSANG MENUA. BAKA SEMUA PROJEK 'SCORE' SEMUA BAKA SITAK BALINGIAN/MUKAH/BINTULU/KUALA REJANG DINI IBAN MIMIT AJA DIA. BATANG RAJANG MEH ENDUR PENETAP ENGGAU PENDIAU KITAI IBAN NETAP ENGGAU MAIOH ENTI DIBANDING ENGGAU BANSA(ETNIK BUKAI).

AKU NGARAP KA SEMUA PROJEK NYA MUJOR DIPEJALAI KA PERINTAH SARAWAK ANAK BAKA PROJEK BA BEKA'LALAN DI MIRI JANJI BISI, SAMPAI DIATU LALU EMPAI START NGAGA. ANAG KA MIAI BERPILIH BARU KA MERI PROJEK KA BALA RAKYAT. AKU NGARAP KA KITAI WAI MENYADI PATUT MINTA PEMANSANG LABAN KITAI KA MILIH BALA YB-YB, ENTI SEMA KITAI ENDA NGUNDI SIDA ENDA OLIH SIDA NYADI YB. DIATU UKAI BAKA SUBA BERI PROJEK KA MIT BAKA ZINK,BATU-BATA , ENGIN AI ENGGAU KA BUKAI KUMBAI KITAI MANAH YB. TANG DIATU KITAI PATUT MINTA BAKA JALAI RAYA, AI BERESI, API, NULONG SEKULA(BIASISWA), PELUANG KERJA SAMA RATA BA PERINTAH, PELUANG BISNIS , MERI ORG RUMAH PANJAI JALAI NGIGA PENDAPATAN(GAJI).

NGARAP KA KEK PENGAYA MENUA SARAWAK DI KONGSI ENGGAU SEMUA BELAYAN RAKYAT MENUA SARAWAK UKAI SEMINA SAPA KA AHLI POLITIK AJA,KABAN BELAYAN YB, SITI TAUKA DUA COMPANY AJA. ENTI KITAI MEDA BA SEMENANJUNG DIN PARTI UMNO NULONG BALA MELAYU NYADI BISNIS KA BESAI SAMPAI KA SARITU MAIOH BALA MELAYU ANTARA 50 ORANG TERKAYA BA MALAYSIA. ENTI ENDA SILAP AKU NADAI KIATAI IBAN TERSENARAI DIA PELABA AKU ANGKA SALAH KINI TAUKA GA BALA KABAN MERESA NAMA UTAI KO AKU. SETIAP TAUN SIGI BISI BALA MELAYU KA BARU NYADI ORANG KA PALING KAYA TANG KEMAIA MEH NAMA BALA IBAN KA TULIN TERSENARAI DIA. PATUT PERINTAH BAGI MEH PROJEK KA BESAI LABAN SIDA IYA MEGAI KUASA, ANANG MADAH PROJEK IYA DI PANSUT NGENA TENDER NYA KEBUAH ENDA OLIH NULONG. PATUT 40% PROJEK MESTI KA BALA DAYAK UDAHNYA 20%MERI KA MELAYU/MELANAU, LALU 20% BALA CINA LALU BALLANCE 20% DA MERI KA OPEN TENDER ENDA MILIH BANSA.ENTI UTAI TU DI PEJALAI PELABA AKU SIGI MUJOR PENGELANTANG ENGGAU SERAKUP MENUA SARAWAK ENDANG SIGI MANAH. KEBUAH KITAI NGAGA NITIH KA PENYAMPAU PENDUDUK SARAWAK.

MAIOH UTAI KA MANAH ARI SEMENANJUNG TAUKA DI BAI LALU DITIRU KITAI KENA NGEMAJU KA SEMUA RAKYAT MENUA SARAWAK. RAKYAT SARAWAK ENDANG SIGI PENYOKONG BESAI BN TANG NGARAP KA PERINTAH KA DI KARAP RAKYAT NULONG LALU MERI PEMANSANG KENA SIDA NGEMAJU KA PENGIDUP DIRI.NADAI UTAI ENDA OLIH ENTI KITAI SIGI KA NULONG RAKYAT KITAI EMPU.

MATH 2010

NEW YEAR 2010

SELAMAT TAUN BARU 2010 NGAGGAI BALA KABAN SEMUA LALU NGARAP KA KITAI SEMUA MUJOR LALU MAJU DALAM SEMUA PMGAWA KITAI. MINTA AMPUN BALA KABAN ANGKA BISI SALAH TULIS LALU ENDA MANAH DIBACA KITA KINI JAKO AKU DALAM BLOG AKU TU AKU MINTA AMPUN SEKALI AGI WAI MNEYADI NGAGAI KITA. ENGGAU TAUN BARU DATAI NGARAP KITAI SEMUA LANTANG SENANG, LALU MUJOR AGI ARI KA UDAH DALAM SEMUA PENGAWA KA DIGAGA KITAI. PIA MEGA NGARAP KA SEMUA KITAI BERSAMPI KA KITAI EMPU, BANGSA IBAN ENGGAU NEGERI SARAWAK LALU KA ENDA DITINGGAL KITAI MENUA MALAYSIA TAU MUJOR DALAM SEMUA PENGAWA ENGGAU PEMANSANG KITAI.

MINTA AMPUN SEKALI DA AGI LABAN KA NADAI NGEPOST KA JAKO BA BLOG AKU MAIA ARI CHRISTMAS ARINYA. SEBEDAU LAUN AKU MERI SALAM SELAMAT ARI CHRISTMAS 2009 KA SEMUA BALA KABAN.

MERRY CHRISTMAS AND HAPPY NEW YEAR 2010.

TERIMA KASIH

Sarawak...Sarawak...Sarawak

1.Tabi bala menyadi..lama asai aku udah enda nulis ka penemu ba blg aku laban ka maioh amai pengawa selalu outstation sebelah Semenanjung enggau Sarawak/Sabah. Aku di aosh company meda lalu nyaga bakani ka penjalai company kami ba Sarawak enggau Sabah. Ukai aku ditu ka ncherita ka pasal; company aku nadai guna laban ukai company aku enggi orang.

2.Leboh maia aku berjalai sebelah Sarawak enggau Sabah endang bisi meh pemansang ka dibai perintah ngagai rakyat . Tang nama kebuah kelalu lama pemansang nya datai ba sida iya. Nyambi ka chuntoh baka api(electricity) baka bala kaban di Jambatan Balingian ( Jalan Sibu-Bintulu) sampai ka saritu pin lalu bedau bisi api. Padah ka YB tiap kali maia ka berpilih ngasoh ngundi sida tang enti udah menang lalu jarang dipeda.

3.Bakanya mega baka jalai ka digaga ari Sibu ka Kapit jangka aku tuboh aku ka angka enda ngena jalai nya enti kitai mading ka bakani penumbu jambatan Durin. Siti ari pengelemi perintah laban kelalu maioh dipengaroh olih ahli politik lalu semina nanya ka siti pemansang semina ari report ukai sida iya datai kin lalu meda ka penyadi utainya.

5.Baka kes bumiputera ka nyadi enti ba runding aku maoih bala anak YB kelebih agi sida ka bansa Iban ka kahwin enggau bala cina anak sida ukai bumiputera tang sapa berani nanya utainya ba perintah. Bakanya mega kes Marina kasih meh iya amai pin bolih periksa ka manah ba SPM tnag lalu enda olih masuk ngagai matrikulasi ba universiti kebuah laban ukai bumiputera. Ngarap ka perintah olih meda utai tu enggai jampat enggau manah enti enda sigi ka nyadi buah kempen bala PKR maia berpulih ka datai. Anang kitai ngumbai rakyat enda nyukong perintah laban leboh sida bisi penusah nadai perintah ka di sukong ngenan ka sida.

6.Luboh maia aku ba Bintulu aku bisi ngentu ba Tman Tumbina laban ka lama udah enda kia. Enda jauh ari kereta aku bisi sekeda anembiak sekula indu benong betunga enggau pangan diri. Kelamba aku bisi 5 orang sida iya ka dia berandau enggau ketawa. Aku pin enggau iboh ka sida jangka aku semina sida ngentu dia aja pengudah abis sekula pagi. Tang lama-kelama agi ketawa sida makin ingkar,lalau aku meda nama utai ka diketawa sida nama kebuah sida iya bakanya. Leboh aku meda nya aku meda sida iya benong ngirup arak(Thai Song) semua bala anembiak sekula indunya lalu piamega sambil sida iya nginsap. Nama utai ka di kesal aku leboh sida pulai sida iya bisi didinga aku berjako Iban. Bakatu meh anembiak Iban ka nganti bala ka tuai ila. Enti iya pia kelaba aku enti bala kitai ka tuai nadai meri ajar enggau manah abis bansa Iban anang ka mansang makin mundur laban generasi ka baru enda berunding ka pemansang bansa semina ka ngirup arak belama-lama. Sida anembiak ny tadi pulai ngena kereta Proton Saga ka baru. Kelamba aku sigi orang ka pemisi apai enggau Indai bala sida.

7. Bala menyadi peda enggau tela meh bansa kitai lalu bakanya mega aku empu ngarap ka kitai semua ngambi ka berunding meh bakani ka penengka kitai ila. Kitai nbansa Iban udah suah ditipu orang lalu ngarap ka kitai kering meh ari dia. Baka anak kitai padah meh sida enggau manah awak ka nyadi bansa ka manah lalu bisi ngering ka Bansa Iban ila.

Terima Kasih

Mathiew Usun